Verín
14 e 15 de novembro de 2026
10 € por persoa e localidade
Mercar entradas ↗GALICIA · OUTONO 2026
Circo, maxia e música
para gozar en familia.
Do 12 de novembro ao 6 de decembro de 2026
CATRO LOCALIDADES. UNHA MESMA ILUSIÓN.
Escolle onde vivir Circo no Camiño.
Un abono de
10 € por persoa e localidade.
14 e 15 de novembro de 2026
10 € por persoa e localidade
Mercar entradas ↗21 e 22 de novembro de 2026
10 € por persoa e localidade
Mercar entradas ↗28 e 29 de novembro de 2026
10 € por persoa e localidade
Mercar entradas ↗5 e 6 de decembro de 2026
10 € por persoa e localidade
Mercar entradas ↗
Todos os espectáculos forman parte da programación de cada localidade. Consulta as condicións de compra e acceso na plataforma de venda.
* Os menores de 24 meses non precisan entrada, sempre que non ocupen butaca.
O Camiño tamén se vive así.
ENTRADE. HAI MOITO POR DESCUBRIR.
Hai momentos nos que toda a familia mira cara ao mesmo lugar: unhas mans que fan maxia, unha acrobacia no aire, unha canción que pon os pés en movemento.
Circo no Camiño reúne circo, música e maxia baixo unha gran carpa, e leva a animación ás rúas de catro localidades vencelladas ao Camiño de Santiago.
Para todos os públicos · Asentos numerados.
♿ Accesibilidade: As persoas usuarias de cadeira de rodas poden ocupar calquera localidade da primeira ou segunda fila.
Descubrir os espectáculosMIRADE BEN. ISTO VAI COMEZAR.
Maxia para quedar coa boca aberta.
Música para mover os pés.
Circo para mirar ben arriba.
Maxia e humor
Mago Teto
Aquí, o imposible só é o principio.
Grandes ilusións, mentalismo, maxia de preto e moito humor. O Mago Teto reúne algúns dos seus xogos máis celebrados e novos números nunha viaxe polas distintas especialidades da maxia. Entre situacións cómicas e surrealistas, o público tamén forma parte do xogo.
O Mago Teto é un dos magos máis veteranos e relevantes a pesar da súa xuventude. Habitual na televisión desde os seus comezos, goza de gran popularidade e recoñecemento. Ademais, falamos dun mago con espectáculos de rúa, gran formato para teatros e todoterreos como o seus clásicos ʻTolemaxiasʼ.
Circo e acrobacias
Zirko Txosko
Dous personaxes. Un montón de mesas. Que pode saír mal?
O que parece un día calquera convértese nunha aventura disparatada. As mesas rebélanse e a acrobacia, os aéreos, a maxia e o humor entran en xogo. Un espectáculo próximo e participativo no que as cousas máis cotiás poden acabar do revés.
Zirko Txosko é unha compañía de circo e humor formada por os artistas Ariñe Azkue e Óscar Páez. Combinan técnicas circenses (malabares, acrobacias aéreas, dúo acrobático ou portes, equilibrios e slapstick) con un humor sinxelo, sutil e con toques de conciencia social.
Unha gala de variedades
Culturactiva
Mirade arriba. A sorpresa tamén está no aire.
Acrobacias, aéreos, malabares, equilibrios e pallasos reúnense nunha gala creada para a carpa do Camiño. Un encontro de disciplinas e artistas para pasar do abraio á gargallada, e da gargallada ao aplauso.
Conducida por Fifo, coa participación de Frick Company, Sue Moreno, Javi Javichy, Noel, Forzu2 e Jano Sen Medidas.
Música para compartir
Troula
Pés inquedos, voces preparadas!
Nenas e nenos, nais e pais, avoas e avós... a festa é para compartir! Despois de percorrer prazas, rúas e teatros, Uxía Lambona e a Banda Molona chegan á carpa cargadiños de cancións para cantar, bailar e rir xuntas.
Uxía Lambona e a Banda Molona é un popular grupo musical infantil de Galicia que adapta clásicos da música tradicional galega con un toque moderno, dinámico e divertido
Rock galego e maxia
Mago Teto
Hai cancións que fan maxia. E maxia que soa a rock.
Unha viaxe pola música galega, desde o rock dos anos oitenta e noventa e o universo do Xabarín Club ata os grupos actuais, pasando polo bravú. Música en directo, humor e ilusión para quen lembra aquelas cancións e para quen as descobre por primeira vez.
O Mago Teto é un dos magos máis veteranos e relevantes a pesar da súa xuventude. Habitual na televisión desde os seus comezos, goza de gran popularidade e recoñecemento. Ademais, falamos dun mago con espectáculos de rúa, gran formato para teatros e todoterreos.
Maxia, humor e gastronomía
Culturactiva
Un menú cheo de ritmo, sorpresas e sabores dos cinco continentes.
Un espectáculo para toda a familia que mestura música en directo, maxia, humor e gastronomía. Dous divertidos chefs preparan un menú cheo de ritmo, sorpresas e sabores dos cinco continentes, coa participación do público e unha receita irresistible de diversión.
¡Máis Saaabor! é un espectáculo cómico, musical e familiar creado e producido pola compañía galega Culturactiva S. Coop. Galega xunto ao artista Félix Rodríguez.
PASARRÚAS DE TROULA
Personaxes sorprendentes, cor e animación para atopar o circo a cada paso. Os pasarrúas de Troula levan a ilusión polas rúas de cada localidade.
Dous pasarrúas en cada localidade, con propostas que irán rotando: O Mundo do Circo, Circo Krasnovarak e O Estraño Caso do Dentista da Rúa Brasov.
O CAMIÑO ATA A CARPA
Consulta os mapas das localidades. O recinto exacto confirmarase proximamente.
PARA PREPARAR A VISITA
O abono custa 10 € por persoa e localidade. Consulta as condicións de compra na plataforma de venda.
Non. Cada abono corresponde á localidade que escollas: Verín, Lalín, A Estrada ou Santiago de Compostela.
A compra faise na plataforma de venda, a través do enlace de cada localidade cando estea dispoñible. Alí atoparás as condicións de compra e acceso.
Si, é unha experiencia para todos os públicos. Os asentos están numerados.
Non. Os menores de 24 meses non precisan entrada, sempre que non ocupen butaca.
Os carros de bebé non poden acceder á sala, pero haberá un pequeno espazo habilitado para aparcalos no vestíbulo de entrada.
A SEGUINTE GARGALLADA PODE SER A VOSA.
Verín, Lalín, A Estrada e Santiago de Compostela.
Abonos de 10 € por persoa e localidade.